Sluit gratis aan
Kieslys

Enkellopendes Veiligheid: Weer Date met Selfvertroue

Sluit gratis aan

Raad vir elke stap, van die eerste boodskap tot die eerste afspraak.

Jou profiel, jou reëls

Hierdie keuses is joune van die dag wat jy aansluit, of jy nou ’n gratis lid is of VIP. Al die ander kenmerke staan op ’n eie bladsy.

  • Jou gebruikersnaam

    Op jou profiel wys net die gebruikersnaam wat jy self uitgekies het, nooit jou volle naam of e-posadres nie.

    Vir jou beteken ditOf iemand jou naam ooit leer ken, en wanneer, is jou keuse.

  • Net jou naaste dorp

    Jou profiel noem die dorp naaste aan jou, nooit jou presiese adres nie.

    Vir jou beteken ditAnder kan sien of julle naby genoeg woon om af te spreek, maar nie waar jy woon nie.

  • Jou foto’s

    Jy kies watter foto’s op jou profiel verskyn, en watter jy vir jouself hou.

    Vir jou beteken ditJy deel net dit waarmee jy gemaklik is.

  • Blokkeer

    Blokkeer enigiemand van hul profiel af of reg uit ’n gesprek uit.

    Vir jou beteken ditJy hoef niks te verduidelik nie. As iets nie reg voel nie, is dit rede genoeg.

  • Rapporteer

    Rapporteer ’n lid van hul profiel af of uit die gesprek waarin dit gebeur het.

    Vir jou beteken ditDoen dit as iemand vir geld vra, jou dreig of aanhou nadat jy nee gesê het.

Neem dit op jou eie pas

Wie pas uit ’n verhouding of ’n huwelik kom, wil dikwels graag weer iemand vertrou. Dis heeltemal menslik, en dis presies waarop swendelaars reken.

Laat vertroue stadig groei. Hou die eerste gesprekke op Enkellopendes, waar jy kan blokkeer en rapporteer, en gee jou nommer, werkplek of woonbuurt eers as jy gereed is. Iemand wat jou regtig wil leer ken, sal nie aandring nie.

Wil jy seker maak dat iemand werklik is wie hulle sê? Vra vir ’n video-oproep voordat julle afspreek. Iemand wat elke keer ’n verskoning het, sê vir jou meer as enige profiel. Ons huisreëls vra elke lid om eerlik te wees oor wie hulle is.

Jou eerste afspraak, op jou voorwaardes

  1. Kies ’n besige, openbare plek. ’n Koffiewinkel, ’n restaurant of ’n mark oordag, met ander mense om julle. Ons eerste date idees help jou kies.
  2. Reël jou eie vervoer. Ry self of bestel ’n rit op jou foon, sodat jy kan huis toe gaan wanneer jy wil.
  3. Vertel ’n vriend. Sê vir iemand met wie jy uitgaan, waar en tot hoe laat, en stuur ’n boodskap sodra jy tuis is.
  4. Luister na jou gevoel. Voel iets nie lekker nie, mag jy die afspraak kortknip. Jy skuld niemand ’n tweede afspraak nie.

Geld is die groot rooi vlag

Iemand wat jy nog nooit ontmoet het nie en wat vir geld vra, is die duidelikste teken van romanse-swendelary. Die versoek kom gewoonlik ná weke van warm boodskappe: ’n noodgeval, ’n hospitaalrekening, ’n vliegkaartjie om jou te kom sien, doeane vir ’n pakkie, of ’n belegging wat julle saam ryk sal maak.

Ander tekens is dat hulle baie gou van liefde praat, altyd ver weg werk of woon, nooit op video kan gesels nie en die gesprek so vinnig moontlik na WhatsApp wil skuif. Stuur nooit geld, geskenkbewyse of airtime aan iemand wat jy nog nie in lewende lywe ontmoet het nie, en gee nooit jou bankbesonderhede, ’n eenmalige PIN (OTP) of jou ID-nommer vir iemand wat jy aanlyn leer ken het nie.

Ons gids oor romanse-swendelary gaan dieper in op die tekens.

Hulp as iets verkeerd geloop het

  1. Stop dadelik. Stuur niks meer nie, al word jy onder druk geplaas of belowe hulle om alles terug te betaal.
  2. Bel jou bank. As jy al geld gestuur het, bel onmiddellik jou bank se bedroglyn, of die nommer op die agterkant van jou kaart. Hoe gouer die bank weet, hoe beter.
  3. Gaan na die polisie. Meld die bedrog by jou naaste polisiekantoor aan. Inligting kan jy ook aan die SAPD se Crime Stop-lyn gee by 08600 10111.
  4. Rapporteer die profiel. Doen dit van hul profiel af of uit die gesprek, en hou skermskote van die boodskappe en jou bewys van betaling.

Moenie skaam wees nie. Swendelaars is goed met woorde, en dit kan met enigiemand gebeur. Vir meer raad, sien die veiligheidsblad van Afrikaans Singles, of gaan terug na die Enkellopendes-tuisblad.

Gereed vir jou eerste hallo?

Maak jou profiel en gesels eers op die webwerf, so lank as wat jy wil.

Sluit gratis aan